Listsýningin Línan Sýningar List Fréttir

 

Álfheiður Ólafsdóttir sýnir olíumálverk á sex stöðum á Suðurlandinu.  Hjá Ófeigi, á Mokka -kaffi á Skólavörðustíg, í Gallerí Ormi á Hvolsvelli, á Kaffi Loka á Skólavörðustíg, kaffihúsi í Álafosskvosinni í Mosfellbæ og síðast en ekki síst í Energíu í Smáralindinni.  Á ferðalaginu heltast sumar myndirnar úr lestinni og ákveða nýja eigendur og ný börn fæðast í staðinn. Þetta er lífið sjálft í hnotskurn.

 

Sýningin ber heitið Línan og er sérstök að því leyti að málverkin hafa tekið miklum breytingum frá fyrri sýningum Álfheiðar.

 

„Þegar ég fór að vinna fyrir sýninguna þá varð línan fyrir valinu sem einkenni sýningarinnar.  Unnið út frá línu og spunnið áfram eins og vefari spinnur þráð. Þá hafa málverkin þróast áfram, sjálfsprottin og sjálfstæð.“

 

Línan er upphaf og endir alls.  Hún getur verið bein, hlykkjótt, farið í hringi og spírala.  Lína er stærðfræðihugtak, eða strik á pappír.  Ættarlína.  Áður en hjartað fer að slá í móðurkviði er hjartsláttur okkar bein lína.  Þegar við endum lífið hér á jörðinni þá verður hjartalínan aftur bein.  Fólk er eins og lína frá hvirfli til ilja. 

 

Á ferðalaginu um suðurlandið heltast sumar myndirnar úr lestinni og ákveða nýja eigendur og ný börn fæðast í staðinn. Þetta er lífið sjálft í hnotskurn.

 

Álfheiður Ólafsdóttir lauk prófi í grafískri hönnun frá Myndlista og handíðaskólanum vorið 1990.  Hún hefur haldið þó nokkrar einkasýningar og verið þátttakandi í samsýningum nokkuð víða.

 

Álfheiður er alin upp austur í Fljótshlíð.  Að vera alin upp í sveit er gott veganesti fyrir listamann.  Þar sem sterk ítök íslenskrar þjóðtrúar er ríkjandi.  „Ég get ekki komist hjá því að það séu einhverjir álfar og fleiri skemmtilegar verur í málverkunum mínum.  Mér finnst vænt um þegar þær birtast“

 

 


alfa

alfa

Álfheiður Ólafsdóttir